ಬೀದಿಗೆ ಬಂದಿದೆ ಸಾವು
ಬೀದಿಗೆ ಬಂದಿದೆ ಸಾವು
ತಣ್ಣಗಾದೆವು ನಾವು
ಚೆಲುವಿಗೂ ಸೋಂಕು ಹತ್ತಿದೆ
ಚಳುವಳಿಕಾರರೆಲ್ಲಾ
ಚಳಿಯಿಡಿದು ಕೂತಿರಲು
ಕವಿಗೆ ಮಾತಿನ ಚಪಲವತ್ತಿದೆ
ವಿಮರ್ಶಕನಿಗೆ ಅರವಳಿಕೆ ನೀಡಿ
ಶ್ರೀ ಸಾಮಾನ್ಯನನ್ನು
ಭಯದಲ್ಲಿ ಅದ್ದುತ್ತಾ
ಸರ್ಕಾರ ಬೆಚ್ಚಾಗಾಗುತ್ತಿದೆ
ಸುದ್ದಿ ನಗರಿಯೆಲ್ಲಾ ಸಾವಿನಾಟ...
ಶಾಸ್ತ್ರ, ಪುರಾಣಗಳೆಲ್ಲಾ
ಓದಿನ ತರ್ಕಗಳಾಗಿ
ನೀತಿ-ಆದರ್ಶಗಳೂ
ಜೀವ ಕುಣಿಕೆಯಲ್ಲಿ
ನೇತಾಡುತ್ತಿವೆ
ಮೇಷ್ಟ್ರು ಹೇಳಿದ ಭಾವನೆಗಳು
ಧೈರ್ಯತುಂಬುತ್ತಿವೆ.
ಭಯವೇ ಬದುಕಾಗಿರುವಾಗ
ಹೊರ ಜಗತ್ತಿನಲ್ಲಿ
ನಂಬಿಕೆಯೂ ಅನುಮಾನದ
ಆಸರೆಪಡೆದಿದೆ
ಚೇತರಿಸಿಕೊಳ್ಳದಾಳಕ್ಕೆ
ಭೀತರಾಗಿದ್ದೇವೆ.
ಹೆಸರು, ಗೌರವಗಳನೆಲ್ಲಾ
ಕಳಚಿಟ್ಟು
ಆಸೆಗಳನ್ನು ಸುತ್ತಿಡು
ಸಾವಿನ ವಾಸನೆ ಎಲ್ಲಿಯಾದರೂ
ಬರಬಹುದು
ನಿನ್ನನ್ನು ಮೊದಲು ನಂಬು
ಯಾರ ದಾಳಕ್ಕೂ
ಬಲಿಯಾಗಬೇಡ.
ನಿನ್ನನ್ನೇ ಪ್ರೀತಿಸುವ
ಜೀವವನ್ನೊಮ್ಮೆ ಹಿತಮಾಡು.
ಈಗಲಾದರೂ
ಅರ್ಥಮಾಡಿಕೋ...
ಸಾವು ಬೀದಿಯಲಿಲ್ಲ,
ನಿನ್ನೊಳಗೆ ಅಡಗಿದೆ
ಕಾಪಾಡಿಕೋ, ನಿನ್ನ ಜ್ಞಾನದಲಿ.
- ಅಂಕುರ ೦೫.೦೭.೨೦೨೦
ಬೀದಿಗೆ ಬಂದಿದೆ ಸಾವು
ತಣ್ಣಗಾದೆವು ನಾವು
ಚೆಲುವಿಗೂ ಸೋಂಕು ಹತ್ತಿದೆ
ಚಳುವಳಿಕಾರರೆಲ್ಲಾ
ಚಳಿಯಿಡಿದು ಕೂತಿರಲು
ಕವಿಗೆ ಮಾತಿನ ಚಪಲವತ್ತಿದೆ
ವಿಮರ್ಶಕನಿಗೆ ಅರವಳಿಕೆ ನೀಡಿ
ಶ್ರೀ ಸಾಮಾನ್ಯನನ್ನು
ಭಯದಲ್ಲಿ ಅದ್ದುತ್ತಾ
ಸರ್ಕಾರ ಬೆಚ್ಚಾಗಾಗುತ್ತಿದೆ
ಸುದ್ದಿ ನಗರಿಯೆಲ್ಲಾ ಸಾವಿನಾಟ...
ಶಾಸ್ತ್ರ, ಪುರಾಣಗಳೆಲ್ಲಾ
ಓದಿನ ತರ್ಕಗಳಾಗಿ
ನೀತಿ-ಆದರ್ಶಗಳೂ
ಜೀವ ಕುಣಿಕೆಯಲ್ಲಿ
ನೇತಾಡುತ್ತಿವೆ
ಮೇಷ್ಟ್ರು ಹೇಳಿದ ಭಾವನೆಗಳು
ಧೈರ್ಯತುಂಬುತ್ತಿವೆ.
ಭಯವೇ ಬದುಕಾಗಿರುವಾಗ
ಹೊರ ಜಗತ್ತಿನಲ್ಲಿ
ನಂಬಿಕೆಯೂ ಅನುಮಾನದ
ಆಸರೆಪಡೆದಿದೆ
ಚೇತರಿಸಿಕೊಳ್ಳದಾಳಕ್ಕೆ
ಭೀತರಾಗಿದ್ದೇವೆ.
ಹೆಸರು, ಗೌರವಗಳನೆಲ್ಲಾ
ಕಳಚಿಟ್ಟು
ಆಸೆಗಳನ್ನು ಸುತ್ತಿಡು
ಸಾವಿನ ವಾಸನೆ ಎಲ್ಲಿಯಾದರೂ
ಬರಬಹುದು
ನಿನ್ನನ್ನು ಮೊದಲು ನಂಬು
ಯಾರ ದಾಳಕ್ಕೂ
ಬಲಿಯಾಗಬೇಡ.
ನಿನ್ನನ್ನೇ ಪ್ರೀತಿಸುವ
ಜೀವವನ್ನೊಮ್ಮೆ ಹಿತಮಾಡು.
ಈಗಲಾದರೂ
ಅರ್ಥಮಾಡಿಕೋ...
ಸಾವು ಬೀದಿಯಲಿಲ್ಲ,
ನಿನ್ನೊಳಗೆ ಅಡಗಿದೆ
ಕಾಪಾಡಿಕೋ, ನಿನ್ನ ಜ್ಞಾನದಲಿ.
- ಅಂಕುರ ೦೫.೦೭.೨೦೨೦
