ಪ್ರೇಮ ಉಪಜ್ಞೆ!

 ಪ್ರೇಮ ಉಪಜ್ಞೆ!

ಮಣ್ಣಿನ ಹಸಿ ವಾಸನೆಯಲ್ಲಿ

ನಿನ್ನ ಮನಸನ್ನು ಹರಡಿದ್ದೇನೆ

ಸ್ವಚ್ಛವಾದ ಹಳತಂತೆ ಕಳೆಯಲಿ

ನೆನ್ನೆಯ ಎಲ್ಲಾ ಮೈಲಿಗೆಯು

ಪ್ರೇಮವನ್ನು ಬಸಿದು ಈ ಮಣ್ಣಲಿ

ಮೆಚ್ಚಿನ ಗೊಂಬೆಯನು ಮಾಡು

ಆಕಾರವು, ಅಲಂಕಾರವು ಹೇಗೆ ಇರಲಿ

ನೋಟಗಳ ಕೋಣೆಯಲಿ ಬೆಳಕಾಗಲಿ

ಬಂದೇ ಬರುತ್ತೇನೆ, ಹಚ್ಚಿ ಬಿಡು ಬೆಳಕು

ಕಥೆಗಳೆಲ್ಲವೂ ಸಾವಿಗೆ ಬರುವುದಿಲ್ಲ

ಸೃಷ್ಟಿಯ ಪಥದಲ್ಲಿ ಒಂದಿಷ್ಟು ಕಾಲ

ವಿಹರಿಸೋಣ ವಿರಹಗಳ ಮರೆತು

ನೀನೂ ನಾನು ಅವಳೂ ಅವನೂ 

ಸರಳ ರೇಖೆಯ ಸುಖಗಳು

ರೆಕ್ಕೆಗಳು ಮೂಡಲಿ ಸುಕ್ಕುಗಳ ಕಳಚಿ

ಇದು ಪ್ರಕೃತಿಯ ಪ್ರೇಮ ಉಪಜ್ಞೆ!

-ಅಂಕುರ (ಫೆಬ್ರವರಿ ೨೬)